STORMS AT SEA AND SILENCE ON SHORE

Strong, cold wind, rough seas. And a quick spike in fuel price. Did someone try to listen to the desperate voices of Filipino fishermen asking for the government’s support for fuel subsidy due to the recent crisis brought about by the war in the Middle East?

Television and radio have always focused on the call to subsidize land transportation drivers and operators. However, seldom have we heard about helping our poor fishermen, who also need to fuel their fishing boats and who bring us food from the sea.

Gasoline plays a huge role for all the fishermen, as they need to fuel their boats and find more fish. It’s ironic that when they bring their catch to shore, the middlemen just buy it at a low price. Yet, we cannot hear them complaining; we cannot hear them rallying and fighting to increase their prices. That is why I consider them not just fishermen but our unsung heroes. The one who provides fish and other seafood on our table at a very reasonable price.

Now, the gasoline spike is at its highest price. Isn’t this a perfect time to help our fishermen and prioritize them as well? Isn’t this the perfect time to listen to them and provide any form of help just to overcome this huge storm in their lives?

These people are the most precious gem of our existence. Let us also not forget them, especially on this day.

___________

Kusog ug bugnaw nga hangin, bawod nga dagat. Duyog niini ang kalit nga pagsaka sa presyo sa lana. Naa ba kaha’y naningkamot sa pagpaminaw sa mga desperadong tingog sa mga mangingisdang Pilipino nga naghangyo og tabang gikan sa gobyerno alang sa fuel subsidy tungod sa krisis nga dala sa gubat didto sa Middle East?

Sa telebisyon ug radyo, kanunay lang nakapokus ang panawagan sa paghatag og subsidiya sa mga drayber ug operator sa transportasyon sa yuta. Apan, talagsa ra nato madunggan ang bahin sa pagtabang sa atong mga kabus nga mangingisda nga nagkinahanglan usab og lana para sa ilang mga panagatan aron makadala og pagkaon gikan sa dagat.

Dako og papel ang gasolina alang sa tanang mangingisda, nga ilang gikinahanglan aron mapadagan ang ilang mga sakayan ug makakuha og daghang isda. Makasubo huna-hunaon nga inig abot nila sa dunggoanan dala ang ilang kuha, paliton lang kini sa mga middleman sa mubo kaayo nga presyo. Bisan pa niana, wala nato sila madunggi nga nagreklamo, wala nato sila makit-i nga nag-rally ug nakigbisog aron patas-an ang presyo sa ilang baligya. Mao nang giisip nako sila dili lang yano nga mangingisda, kundi ang atong mga hilom nga bayani, ang mga naghatag og isda ug uban pang pagkaon sa dagat sa atong mga lamesa sa barato kaayong presyo.

Karon nga misaka na ang gasolina sa kinatas-ang presyo, dili ba kini ang saktong panahon nga tabangan nato ang atong mga mangingisda ug hatagan usab sila og prayoridad? Dili ba kini ang saktong higayon sa pagpaminaw kanila ug paghatag og bisan unsang matang sa tabang aron lang malampasan kining dako nga unos sa ilang kinabuhi?

Kini sila ang labing bililhong mutya sa atong paglungtad. Dili nato sila kalimtan, ilabina niining adlawa.

---

© 𝟐𝟎𝟐𝟔 𝐑𝐆 𝐌𝐮𝐥𝐭𝐢𝐦𝐞𝐝𝐢𝐚 𝐒𝐭𝐮𝐝𝐢𝐨 𝐏𝐡. 𝐀𝐥𝐥 𝐑𝐢𝐠𝐡𝐭𝐬 𝐑𝐞𝐬𝐞𝐫𝐯𝐞𝐝.